Fenouil n’inyanya

Yanditswe: 15-03-2016

Fenouil ni imboga nziza kandi zikunze kuboneka mu masoko y’ino. Urugero nko mu isoko rya kimirinko na Nyabugogo wazihasanga. Izi mboga rero zigira uburyo bwinshi zitegurwamo ariko kuzitegurana n’inyanya ni bumwe mu buryo bwiza kandi bworoheye buri wese.

Ibikoresho

  • Fenouil 3(ugakata bya cice byo hasi biba bimeze nk’ibitungurub by’umuweru binini)
  • Inyanya 3
  • Igitunguru 1
  • Amavuta ibiyiko 2
  • Agashami ka teyi 1
  • Umunyu ½ y’akayiko
  • Cube maggi 2

Uko bikorwa

  1. Ronga fenouil n’inyanya ubikate, inyanya ubanze kuzihataho agashishwa k’inyuma
  2. Shyira amavuta ku isafuriya namara gushyuha ushyiremo igitunguru
  3. Sukamo za fenouil uvange
  4. Zimaze guhindura irangi usukamo inyanya ukavanga
  5. Shyiramo umunyu na teyi
  6. Habura iminota itanu ngo ubikure ku ziko ushyiremo magi
  7. Bigaburane n’inyama zumumutse cyangwa se ifi kandi ubigabure bigishyushye.

Gracieuse Uwadata

IBITEKEREZO

  • Andika hano igitekerezo cyawe