Salade ya cocombre na crème fraiche
Yanditswe: 29-05-2015
Salade ya cocombre na crème fraiche iba nziza cyane cyane kuri ibi bihe by’izuba ryinshi ritera ubushyuhe bukabije. Ku bantu basanzwe bakunda cocombre iyi salade iba nziza ariko no kubatinya impumuro ya cocombre iyi harimo crème fraiche bituma igira impumuro nziza.
Ibikoresho ku bantu 2
Cocombre
Crème fraiche iri mu gacupa gato 1
Amavuta ta elayo
Basilic
Umunyu na poivre
Uko bikorwa
Ronga cocombre uzikatemo utuzeru
Zisige umunyu
Vanga ibiyiko 3 bya crème fraiche n’ibiyiko 2 by’amavuta ya elayo
Ongeramo umunyu na poivre
Fata iyo crème usukemo za cocombre uvange neza
Yishyire ku isahani hejuru ushyireho utubabi twa basilic
Gracieuse Uwadata